Ашҡаҙар
+22 °С
Ясна
Бөтә яңылыҡтар
18 Март 2019, 22:00

“Зуби-зуби”

Троллейбустарҙа «16 мартта Башҡорт драмтеатрында Һинд музыкаһы һәм бейеүе фестивале үтә. Инеү ирекле» тигән иғланға бер аҙна тирәһе шаһит булғас, совет заманында ауылда ҡараған һинд фильмдарын һағыныпмы, әллә «яҡындарығыҙҙы ла алып килегеҙ», тигән ихлас саҡырыуҙарына ҡаршы торалмайынсамы, ҡыҙымды эйәртеп, мин дә юлландым был тамашаға.

Яраталар икән беҙҙә диңгеҙ аръяғындағы моңдо, залда алма төшөрлөк тә урын булманы. Ә концертҡа килгәндә, һинд моңдарын тыңлағанда донъя мәшәҡәттәренән арынып, илаһи бер күңел торошо кисереп, яҡты уй-хыялдарға бирелеп ултырҙым. Беҙ йәш саҡта кинәнеп тыңлаған “Зуби-зуби”, “Джимми” һәм башҡа йырҙар иҫкә төшөп китте. Ҡала халҡына ошондай рухлы тамаша бүләк иткәндәре өсөн һинд дуҫтарыбыҙға ла, ойоштороусыларға ла рәхмәт әйтке килә.
Читайте нас: