Бөтә яңылыҡтар
9 май- Еңеү көнө
7 Декабрь 2022, 12:57

ДНР-ҙа хәрбиҙәр ултырған йөк машинаһы менән микроавтобус бәрелешкән

Донецк Халыҡ Республикаһының Шахтерск районында 16 кеше юл фажиғәһендә һәләк булған, тағы өсәүһе йәрәхәтләнгән. Был хаҡта ашығыс хеҙмәттәрҙәге сығанаҡҡа һылтанма менән ТАСС хәбәр итә.

ДНР-ҙа хәрбиҙәр ултырған йөк машинаһы менән микроавтобус бәрелешкән
ДНР-ҙа хәрбиҙәр ултырған йөк машинаһы менән микроавтобус бәрелешкән

«Шахтерск  — Торез автомобиль юлында хәрбиҙәрҙе алып китеп барған йөк машинаһы менән микроавтобус бәрелешкән. 16 кешенең ғүмере өҙөлгән, өс кеше дауаханаға оҙатылған (улар реанимацияла ята)», — тип хәбәр итте агентлыҡ әңгәмәсеһе.

Яҡынса мәғлүмәттәр буйынса, һәләк булғандар араһында йөк машинаһы водителе лә бар. Фажиғә урынында оператив хеҙмәттәр эшләй.

Ваҡиға сәбәптәре асыҡлана.

Башинформ.

 

Автор:
Читайте нас в