Ҡыш бабай байрамға ғына килә

Юрий Гагарий исемендәге ял һәм мәҙәниәт паркында шыршыны тоҡандырҙылар. Был иһә паркта Яңы йыл байрамдарына бәйле эшләй башлаған аттракциондарға старт булды. Сараға Ҡыш бабай килмәне, сөнки ул бында Яңы йыл алдынан ғына тирмәһе менән күсеп киләсәк.

Һыуыҡ булыуға ҡарамаҫтан, ял паркына шыршыны тоҡандырыу сараһына бик күп халыҡ килде. Өлкәндәр ҙә, кескәйҙәр ҙә бында ҡуйылған концертты ҡарап, уйнап көлөп ҡайтты. Ҡарғиҙәргә ултырып, парк буйлап йөрөп килеүселәр ҙә булды, ә бына парктың ҡышҡы матурлығын күрергә теләүселәр, күҙәтеү тәгәр-мәсенең йылы кабинкаларына инеп ултырып, барыһын да бейеклектән күҙәтте. Ысынлап та, шыршыны тоҡандырғас байрамса кәйеф тойола башланы. Тимәк, беҙгә байрам килә!

Читайте нас:

Подпишись на наш телеграм канал

Телеграм канал газеты "Ашкадар"