+20 °С
Ясно
Ҡала һәм уның кешеләре
17 Июля 2020, 08:05
“БЕҘҘЕҢ ЭШ ТАҢ ҺАРЫҺЫНАН БАШЛАНА” Ләйсән Мәүлитова бурысын яратып атҡара
Һәр кеше таҙалыҡ ярата, үҙенең йәшәгән урыны таҙа булыуын теләй. Әммә өйөңдө, ихатаңды, хатта фатирыңды бөхтә тотоу күп кенә көстө ала. Ә бына ҡала урамдарын таҙартып сығыу өсөн күпме ваҡыт һәм түҙемлелек кәрәк! Быны тик торлаҡ-коммуналь хужалығы белгестәре генә беләлер. Саң туҙҙырмай, талғын ғына, әммә шул уҡ ваҡытта етеҙ-етеҙ итеп урамдарҙы һепереп йөрөгән апайҙар йыш ҡына осрай. Әммә уларҙың ниндәй эш менән һәм ниндәй майҙандарҙы таҙартып сығырға ниәтләгәнен бер кем дә уйлап ҡарағаны юҡтыр. Ә был майҙандарҙы бер көн генә түгел, ә көн һайын үтеп сығырға кәрәк, һөҙөмтәлә ай эсендә ҙур ғына хеҙмәт хасил була. Аяҡ аҫтына суп-сар ташлар алдынан ошо хеҙмәт хаҡында уйланһаҡ ине.
Һәр кемдең иртә менән эшкә барғанда урам һепереүсегә тап булғаны бар. Йөҙөнән танып, белеп торһаҡ та, таныш түгелбеҙ улар менән. Әлбиттә, эш һөҙөмтәһен күрәбеҙ, әммә ашаған белмәй, тураған белә тигәндәй, уның эшенең асылына тиклем төшөнөп еткән юҡ. Ә бит ҡыш булһа, ҡар көрәргә, ҡом һибергә һәм башҡа эштәр эшләргә кәрәк, ә йәй инде үҙенең мәшәҡәтен алып килә. Һөнәрҙең асылына төшөнөр өсөн Ленин биҫтәһендәге ихаталарҙың береһендә тәртип ойоштороп йөрөүсе урам һепереүсеһе менән таныштыҡ. Ләйсән Мәүлитова Стәрлетамаҡҡа Ғафури районынан килгән һәм өсөнсө йыл инде ошо һөнәр буйынса эшләп йөрөй.
– Беҙҙең эш иртә менән башлана, иң тәүҙә төн эсендә йыйылған эре сүп-сарҙарҙы йыйып алабыҙ, һепереп сығабыҙ. Күпләп кеше йөрөгән урындар, спорт һәм балалар майҙансыҡтары таҙа булырға тейеш. Үләндәрҙе сабыу ҙа ҙур эш булып тора. Таҙалыҡ һәм тәртип булдырыу өсөн коллегаларым менән тырышып эшләйбеҙ, – ти Ләйсән ханым.
Ошондай ябай эштәр башҡа-рылмаһа, беҙ күптән ҡый өйөмдәре араһында ҡалған булыр инек. Шул саҡ күҙгә күренмәгән һөнәр кешеһе иң кәрәклеһе булып тойолор ине бәлки, килешәһегеҙме?!.
– Беҙҙең эш иртә менән башлана, иң тәүҙә төн эсендә йыйылған эре сүп-сарҙарҙы йыйып алабыҙ, һепереп сығабыҙ. Күпләп кеше йөрөгән урындар, спорт һәм балалар майҙансыҡтары таҙа булырға тейеш. Үләндәрҙе сабыу ҙа ҙур эш булып тора. Таҙалыҡ һәм тәртип булдырыу өсөн коллегаларым менән тырышып эшләйбеҙ, – ти Ләйсән ханым.
Ошондай ябай эштәр башҡа-рылмаһа, беҙ күптән ҡый өйөмдәре араһында ҡалған булыр инек. Шул саҡ күҙгә күренмәгән һөнәр кешеһе иң кәрәклеһе булып тойолор ине бәлки, килешәһегеҙме?!.
Эльдар ФӘТТӘХОВ.
