ИЗГЕЛЕКТЕ КҮРҺӘТЕП ЭШЛӘМӘЙҘӘР!.. йәки Мәктәп тамамлап ҡына юғары үрҙәргә ирешеп буламы?

Иң аптыратҡаны шул булды: ул ни бары урта мәктәпте генә тамамлаған. Шулай ҙа ул техникумға уҡырға ингән булған, уҡырға ваҡыты ҡалмау сәбәпле ташлаған ул был уҡыуын, теләһә кәрәкле дипломды күптән һатып та алған булыр ине инде тип уйлап ҡуйҙым. Тик ул дипломһыҙ көйө лә аяғында ныҡлы баҫып торған эшҡыуар бит! Күпме Стәрлетамаҡта танылған, уңған эшҡыуарҙар менән аралашырға тура килде. Ләкин унан да ябай һәм тыйнаҡ эшҡыуарҙы осратҡаным булманы. Уның “телен асыу” өсөн дә күп көс һалырға тура килде. Башҡарған эшенән тыш айырым изгелектәре хаҡында ла осраҡлы ғына белдек әле. “Нишләп ошо хаҡта һөйләмәйһегеҙ һуң ул?” тиеүемә лә “Ниңә уны белдерергә инде, изгелекте күрһәтеп эшләмәйҙәр”, – тине ул. Күҙ алдына шулар мәғлүм булды. Тормошо ла үҙе һымаҡ уҡ ябай уның…

Эшселәр ғаиләһенән

Радик Рәйес улы Мырҙағолов 1984 йылдың 27 июлендә Стәрлетамаҡта тыуған. Өйләнгән, ике бала тәрбиәләй. Хеҙмәт юлын йәшләй генә ябай эшсе булып башлай. Әйткәндәй, ата-әсәһе лә ябай эшселәр уның – атаһы заводта тырышһа, әсәһе балалар баҡсаһы хеҙмәткәре булып хаҡлы ялға сыҡҡандар. Артабан төҙөлөш өлкәһендәге квалификациялы һөнәрҙәрҙе үҙаллы үҙләштереп, тәжрибә туплай… Бөгөн иһә Радик Рәйес улы – уңышлы эшҡыуар, үҙ эсенә “ЖБЗС” тимер-бетон заводын берләштергән, “Ситиформ! тротуар плиткаһын етештереүсеһе лә булған “СтройИндустрия” компаниялар төркөмө менән идара итеүсе, шулай уҡ Стәрлетамаҡ ҡалаһында ете йортто уңышлы тапшырған төҙөүсе лә ул. Уның хеҙмәт юлы – ныҡышмалылыҡтың өлгөһө, эшһөйәрлек һәм һөнәр оҫталығы менән юғары һөҙөмтәләргә өлгәшергә мөмкинлектең ыңғай сағылышы булып тора!

Радик Рәйес улының эшендә төп принцип – көн һайын ҡалабыҙ һәм унда йәшәүселәр өсөн матурыраҡ, уңайлыраҡ мөхит булдырыу, кешеләрҙе бәхетле итеү. Беҙҙе уратып алған мөхит кеше үҫеше өсөн бик мөһим, ул иғтибарҙы төп нәмәгә тупларға мөмкинлек бирә. Әлеге ваҡытта “ЖБЗС” ҡаланың алдынғы предприятиеларының береһе булып тора. Завод сығарған тимер-бетон изделиеларының, төҙөлөш бетондарының һәм эретмәләренең киң спектры булараҡ һәм йөҙ процентҡа төҙөүсенең был материалдарға ихтыяжын “Стройиндустрия” ҡаплай. Заводтың абруйы һәм изделиелары юғары сифатлы булғанға, улар төҙөлөш индустрияһында талап ителә. Тимер-бетон заводы продукцияһы киң торлаҡ йорттар, поликлиникалар, мәктәптәр, балалар баҡсалары, объекттар төҙөгәндә ҡулланыла. 2020 йылда “ЖБЗС” яуаплылығы сикләнгән йәмғиәте базаһында яңы производство булдырыла, ул да булһа – “Ситиформ” тротуар плиткаһы етештереү заводы. Предприятие заманса яңы ҡорамалдар менән йыһазландырыла, смена һайын 1000 квадрат метрға тиклем тротуар плиткаһы сығара.

“Ситиформ” производствоһындағы тротуар плиткаһы Стәрле йылғаһы яр буйы, Тоҙ пристаны кеүек күп кенә билдәле объекттарҙа ҡулланылған программаны тормошҡа ашырыу өсөн, шулай уҡ “Башҡорт ихаталары” һ. б. шундай проекттарҙа файҙаланыла.

Халыҡ ихтыяжын уйлап төҙөйҙәр

– “СтройИндустрия” компанияһының төҙөү эшмәкәрлеге 2015 башланды. Уның төп йүнәлеше булып йәмәғәт һәм торлаҡ биналар төҙөү тора. Төҙөлөштә алдынғы технологиялар буйынса сифатлы һәм тикшерелгән материалдар ҡулланыла. 2017 йылда “Снегири” торлаҡ комплексының беренсе корпусы файҙаланыуға тапшырылды. Был алты йорттан һәм заманса сауҙа үҙәгенән торған квартал төҙөлөшө, иҫке ҡаланың тыныс районында – Сәғитов һәм Яр буйы урамдары киҫешкән урында. 2023 йылда иһә “Снегири” торлаҡ комплексы төҙөлөшө кварталдының алтынсы корпусын тапшырҙыҡ. Проектта 1000-дән ашыу фатирлы торлаҡ комплексына төрлө ҡатлы йорттар һалынған, шулай уҡ туғыҙ ҡатлы, ун дүрт ҡатлы йорттар ҙа бар. Комплекс үҙ эсенә коммерция майҙандарын ала, ә сауҙа майҙанында “7 Ноябрь” үҙәге сауҙа майҙандарынан тыш, ҙур футбол манежы популяр булып тора, – тип һөйләп үтте етәксе.

Төҙөлөш темаһын дауам итеп, 2018 йылда “СтройИндустрия” компанияһы Октябрь проспекты, 95-се йорт адресы буйынса урынлашҡан туғыҙ ҡатлы торлаҡ йорт төҙөй һәм файҙаланыуға тапшыра. 2024 йылда Октябрь проспекты, 44 буйынса Олимп йортоноң флагман проекты төҙөлөшө тамамланасаҡ. “Олимп” иң яҡшы һәм заманса уңайлы фатирҙарҙы үҙ эсенә ала, ул ҡаланың 300-ҙән ашыу ғаиләһе өсөн йорт буласаҡ. “Олимп” йорто – “Төҙөлөш индустрияһы” төҙөлөш индустрияһы өсөн дә, бик күп йүнәлештәр буйынса алға табан аҙым, ул торлаҡ сифаты һәм уңайлылығы стандарттарының яңы кимәле булып тора.

Уларға ышаныс ҙур!

2023 йылда төҙөлөп ятҡан объектта Стәрлетамаҡ хакимиәте башлығы Рөстәм Ғәзизов булды һәм уға юғары баһа биреп: “Проект буйынса был матур һәм уңайлы ҡала киңлеге буласаҡ – был яны территорияһы булған күп фатирлы йорт, унда балалар баҡсалары, майҙансыҡтар, воркаут, футбол майҙансығы, барбекю өсөн зона һәм ландшафт йәшелләндереү урындары ҡаралған”, – тине ул һоҡланыуын йәшермәйсә. Предприятие ҡала хакимиәте менән тотороҡло хеҙмәттәшлек итә. Авария хәлендәге һәм иҫке торлаҡтан күсереү буйынса программалар, шулай уҡ етем балаларға торлаҡ биреү һымаҡ бихисап проекттарҙа ҡатнаша улар.

Юғары квалификациялы команда булған белгестәр эшләй бында. “Төҙөлөш индустрияһы” компаниялар төркөмө предприятиелары өсөн профессиональ кимәл хас, ыңғай фекерләү, өлгәшелгәндәр менән генә туҡтап ҡалмайҙар. Киләсәктә яңы технологиялар һәм яңыларҙы үҙләштереү буйынса эш төрҙәрен автоматлаштырыу ҡаралған. Компаниялар төркөмө коллективында 250-нән ашыу кеше эшләй.

Предприятие күрһәткән хеҙмәте аша ғына түгел, дөйөм эшмәкәрлеге менән ҡала өсөн әһәмиәткә эйә. Ә бит “Айыҡ ауыл” проекттарында ҡатнашыу, бынан тыш, махсус хәрби операциялағыларға башланғандан алып ярҙам итеү һымаҡ изгелектәре хаҡында ла осраҡлы ғына белдек беҙ. Алмаштырғыһыҙ был холдингтың етәксеһе Радик Рәйес улына һәм уның коллективына ҡала шөһрәтен күтәреүҙәге эшмәкәрлектәрендә бары тик уңыштар ғына теләйбеҙ.