Бөтә яңылыҡтар
Антитеррор
12 Ноябрь 2020, 20:40

Теракт ойошторорға йыйынған

Башҡортостан кешеһе самолет бортында ҡулға алынған. Эске эштәр министрлығы хоҡуҡ һаҡлау органдарына биргән мәғлүмәттәр буйынса, Шереметьево аэропортында Мәскәү-Петропавловск-Камчатский рейсы менән барған самолет бортында ғәҙәти булмаған пассажир, теракт яһайым тип ҡурҡытып, пилоттарҙың кабинаһына үтеп инергә маташа.

“Иҫкәртеүҙәргә иғтибар итмәгән ир ҡулға алынды һәм сик подразделениеһына илтеп тапшырылды. Бортта тикшереү уҙғарғанда ҡурҡыныс янаған әйберҙәр табылманы”, – тип хәбәр ителә асыҡ сығанаҡтарҙа.
Аҙаҡтан асыҡланыуынса, янъял ҡуптарыусы 24 йәшлек киҫекһеҙ әҙәм Башҡортостандан булған. Террористик атака тураһында күрәләтә ялған хәбәр еткергәне өсөн уға ҡарата РФ Енәйәт Кодексының 207-се статьяһы буйынса енәйәт эше асылған.
Р.ЗАМАНОВА.
Читайте нас в