Бөтә яңылыҡтар
Һаулыҡ һағында
7 Ноябрь 2018, 12:07

Ҡалаға “ашығыс ярҙам” машиналары ашыға

Республикала “ашығыс ярҙам” машиналары рәтен тулыландырыу өсөн төбәк ҡаҙнаһынан 351 миллион һум аҡса бүленә. Был аҡсаға Башҡортостан Һаулыҡ һаҡлау министрлығы медицина учреждениелары өсөн 120 “ашығыс ярҙам” машинаһы һатып аласаҡ.

Уларҙың иң күбеһе, йәғни 83 машина баш ҡалала ҡалһа, 37-һе Стәрлетамаҡҡа ҡайтартыла.
Техник талаптар буйынса, машиналар аҡ төҫтә, видеорегистраторлы һәм быйыл сыҡҡан булырға тейеш. Шулай уҡ автомобилдәрҙә өлкәндәр һәм балалар өсөн реанимация йыйылмалары, дефибриллятор, электрокардиограф, акушер һәм эпидемияға ҡаршы йыйылма, портативлы үпкәне яһалма эшләтеү аппараты, заманса санитария носилкаларының булыуы мотлаҡ.
Ф. ҒӘЛИЕВА.
Читайте нас в