Бөтә яңылыҡтар
Һаулыҡ һағында
11 Ноябрь 2019, 17:55

БЕЛГЕСТӘР B ГЕПАТИТЫНАН ҠОТОЛОРҒА ЯҢЫ ЫСУЛ ТАПҠАН

Рәсәй Ҡулланыусылар хоҡуҡтарын күҙәтеү хеҙмәте В гепатитын дауалауҙың геномлы редакциялауға нигеҙләнгән яңы дауалау төрөн тапҡан. Был хаҡта ведомство етәксеһе Анна Попова һөйләне. Яңыса дауалау төрө вирустарҙы тулыһынса бөтөрөргә мөмкинселек бирә һәм кеше геномына тәьҫир итмәй.

«Роспотребнадзор эпидемиология фәнни-тикшеренеү институты геном редакциялары нигеҙендә хроник гепатитты тулыһынса дауалау өсөн яңы алымдар эшләне. Ул вирустың 99 проценты юҡҡа сығарырға мөмкинселек бирә, ләкин шул уҡ ваҡытта кеше геномына тәьҫир итмәй», - тип яҙа ведомствоның матбуғат хеҙмәте Попова һүҙҙәрен килтереп.
Анна Попова Роспотребнадзор институты беренсе тапҡыр илебеҙҙең реагенттар йыйылмаһын һаулыҡ һаҡлау практикаһына индереүен белдерҙе. Улар В гепатиты, шулай уҡ ВИЧ вирусы мутацияһы ныҡлығын билдәләү өсөн ҡулланыла.
Бөтә Донъя һаулыҡ һаҡлау ойошмаһы мәғлүмәте буйынса, донъяла йыл һайын хроник гепатиттан 1 миллиондан артыҡ кеше үлә.
Читайте нас: