+17 °С
Дождь
Һаулыҡ һағында
22 Апреля 2020, 14:17
ЭКСПЕРТ РӘСӘЙҘӘ COVID-19 ЭПИДЕМИЯҺЫНЫҢ ЮҒАРЫ НӨКТӘҺЕНӘ ТӨҘӨТМӘЛӘР ИНДЕРҘЕ
Рәсәйҙә яңы Covid-19 төрөндәге коронавирус инфекцияһы менән иң күп ауырыусылар һаны май айына тура киләсәк һәм ошо уҡ айҙа ауырыусылар һаны кәмеүгә китәсәк. Әлегә тиклем яһалған фараздарға ошондай төҙәтмәләр индерҙе коронавирус буйынса мониторинг яһаусы мәғлүмәт үҙәгенең рәсми вәкиле Александр Мясников «Соловьев LIVE» YouTube-каналындағы тапшырыуҙа.
«Сирҙең иң юғары мәле буйынса хаталандым. Беҙ быны өҫкә табан бар-бара ла, бер аҙ тороп, аҫҡа табан төшә башлай тигәнде аңлайбыҙ һәм бындай күренеш ике-өс айҙы биләй. Әммә беҙҙә был мин фаразлағанда түгел, ә бер айға һуңыраҡ башланды», - тине эксперт.
«Шуға күрә хәҙер беҙ май айына тиклем өҫкә тиклем барабыҙ, май айында хәл тотороҡлана, ә бына май аҙағына ауырыусылар һаны әҙәйә башлаясаҡ», - тип фаразланы Мясников.
