+22 °С
Облачно
Һаулыҡ һағында
23 Июля 2020, 06:21
Башҡортостан табиптары Ҡырғыҙстанға юллана
Халыҡ-ара килешеү сиктәрендә, РФ Хөкүмәте бойороғо буйынса, бөгөн республиканың бер төркөм медицина хеҙмәткәрҙәре БР Һаулыҡ һаҡлау министры урынбаҫары Евгений Кустов етәкселегендә урындағы белгестәргә ойоштороу методик ярҙам күрһәтеү, шулай уҡ коронавирус менән ҡаты ауырыған пациенттарға консультациялар үткәреү өсөн Ҡырғыҙстанға юллана.
“Медицина десантында” 50-гә яҡын табип – эпидемиологтар, инфекционистар, коронавирусты дауалауҙа тәжрибә туплаған БДМУ-ның студенттары һәм ординаторҙары. Улар бөтәһе лә медицина тикшереүе һәм инструктаж үткән, улар өсөн дарыуҙар запасы һәм шәхси һаҡланыу саралары әҙерләнгән.
Табиптар Ҡырғыҙстанға Ғәҙәттән тыш хәлдәр министрлығының махсус самолетында 01:00 сәғәттә Өфө аэропортынан осасаҡ.
Әйткәндәй, ошоға тиклем республика табиптары Амур өлкәһендә һәм Ҡарасәй-Черкес республикаһында коронавирус менән ауырыусыларға һәм үҙҙәренең коллегаларына ярҙам итте.
