Бөтә яңылыҡтар
Әҙәби күстәнәс
23 Июль 2019, 15:04

Һеңеп ҡалған ташыңа Тәүге рәссам йырҙары...

СӘСӘНИӘҺеңеп ҡалған ташыңаТәүге рәссам йырҙары... ШүлгәнташАй, Шүлгәнташ, Шүлгәнташ,Бабам-инәм ғүмере.Көл ҡатламы аҫтындаҺүнгән төйәк күмере.Ай, Шүлгәнташ, Шүлгәнташ,Нисә быуын торлағы.

Һеңеп ҡалған ташыңа
Тәүге рәссам йырҙары.
Ай, Шүлгәнташ, Шүлгәнташ,
Инәм-бабам һарайы.
Һүрәттәге аттарҙың
Ялын ваҡыт тараймы?
Ай, Шүлгәнташ, Шүлгәнташ,
Тәүге сәнғәт залдары.
Хәтер кеүек ҡараңғы
Ерән мамонт ялдары.
Ай, Шүлгәнташ, Шүлгәнташ,
Тәүтормошто күргән таш,
Һин беләһең, Кешегә –
Хеҙмәт кеүек сәнғәт хас.
Өгөт
Гүйә, кемдер сәсәненә:
”Күлдән эсмә, абай бул”.
Инә әйтә ейәненә:
”Йылғаға кит, ябай бул –
Ярҙар буйлап туғайҙар киң,
Үләне күп мал өсөн.
Бында ҡалыу үлемгә тиң –
Ҡоролоҡ һурыр көсөң.
Балыҡ-өйрәк менән генә
Әллә ни булмаҫ уңып.
Мал тотһағыҙ – кәрәк үлән!
Абайла уңың-һулың.
Гелән һунар менән йәшәп,
Мандый алмаһа ырыу,
Малсылыҡта ырар эшең,
Йылҡы ла быға арыу”.
Күсә халыҡ Сулман, Иҙел,
Итил, Тубыл, Обҡаса –
Урал улдары ер гиҙеп,
Үҙ халҡына юл аса.
Илгиҙәр
Илгиҙәрҙең хыялында тулҡын –
Сит ярҙарға ҡағып торғаны.
Юл йомғағы уның баш аҫтында,
Алыҫ йондоҙлоҡтар – юрғаны.
Үткәндәрҙе тиҫбе итеп тартып,
Үҙгәрешкә – бөтә ярашы.
Сикһеҙ сәфәр сихри илдәр
менән
...Туйындырмай... наҙлай
ҡарашын.
Ерҙе урап, тыуған ярға баҫып,
Онотолған моңға күмелһә,
Ер тетрәмәй...
Бары ҡояш булып
Балҡый унда һүнгән күмерҙәр.
Ғәжәпһенмәҫ әсә йәнле тупраҡ,
Күҙҙәренән тамһа йөрәге,
Ярҙа торған һағышлы бер һынға:
–Илем!-тиеп өҙһә үҙәген.
Абайлыҡ
Шаршы шыбырлауы, сайпылыуы,
Япраҡтарҙа ҡошмо, бөжәкме...
Сабаҡтарҙың кинәт тайпылыуы –
Оҙаҡ күрмәгәндә ғәжәптер.
Бәрҙе тотам, тиеп ҡармаҡ
һалмам,
Оҙон томбойоҡҡа текәлеп:
Йылы нурҙар йыйған йәшел
ҡалҡан –
Эҫелә башҡа кейгән иҫтәлек.
Йәндең төпкөлөнә һеңгән зауыҡ, Нишләтһә лә тормош, шул көйө.
Эшләпәгә арыу япраҡ табып,
Бала-саға күрә үҙ көнөн.
Эй, доньяның камил төҙөлөшө,
Йәнде-тәнде имләр ябайлыҡ.
Табаҡ япраҡ эсә нур өлөшөн,
Мөғжизәләр аса абайлыҡ.
Белемгә хоҡуҡ
Мәсет-сиркәү асылғанда нишләп
Мәктәп ябылыуы мөмкин һуң?
Быуаттарға убылып артҡа төшһә,
Мәғарифһыҙ ауыл һулҡыуын
Ишетмәмеш булыр микән дәүләт?
Мәҙрәсәгә ҡалыр микән көн?
Белем юлы бикләнерме кинәт?
Һөнәр юлын ҡаплар микән төн?
Ә бит заман наҙанлыҡты һөймәй!
Китап менән ярыша экрандар...
Бала үҫһә дәреслектәр күрмәй,
Белемгә хоҡуҡтан ни ҡала?!
Яңы инквизитор язалаймы
Аттестатһыҙ ҡалһын тип ауыл?
Уҡытыусыларҙы ҡазалаймы
Мәғарифҡа бәргән был дауыл?
Ҡайһы яҡҡа ынтылалыр Рәсәй?
Хупланамы әллә наҙанлыҡ?
Киләсәктең ҡәһәренә дусар
Бөгөндән үк был аяуһыҙлыҡ.
Өс юл
Күҙҙәр төбәләлер интернатҡа –
Шунда уҡыр, бәлки, балалар?
Ә кемдәрҙер ымлай интернетҡа –
Кәрәксә компьютер табалар?
Ул булғанда, белгесе лә бармы?
Ҡуйырып та китә мәсьәлә.
Шәп дәресте дисктарға яҙып,
Таратҡанда ата-әсәгә?
Нисә диск???
Флэштың һыйҙырышы,
Антивирус, ОС яҡшыһы...
Оло быуын аңлап, тырышырмы?
Инетта кем тәртип баҡсыһы?
Өс юлдан да алһаҡ отошто,
Мөмкин мәғарифты тотошоу.
Читайте нас в