Тыуған яғым

Ынйы ҡарҙар яуа сафлыҡ бөркөп,Аҡлыҡҡа төрөнә тирә-яҡ.Ҡарҙар менән бергә бәхет яуа,Аҡ юрған ябына тыуған яҡ.

Тыуған ауылым – күңел түрҙәремдә,
Һиңә ғашиҡ һәр бер миҙгелдә.
Ҡышын, яҙын, йәйен, көҙҙәрендә
Рәхмәтлемен тыуған нигеҙгә.

Сафлыҡ бөрккән йәмле ҡыштарымда,
Ҡалды баласағым эҙҙәре.
Бикле торған өйҙөң тәҙрәһенән,
Ҡарай төҫлө атай күҙҙәре.

Тыуған яғым – күп йылдар үтһә лә,
Һиңә тоғро йөрәк хистәрем.
Оноталмайым иптәш ҡыҙҙар менән,
Йырлап йөрөгән айлы кистәрем.

Һағышты моң таратты

Ситәндәргә элеп ҡуйҙым әле,
Елдәр алһын тиеп һағышты.
Гөл-сәскәнең башын һыйпаны ла,
Күрмәне ел, ахыры, яңылышты.

Килеп яуып үтте ҡара болот,
Тамсылары төштө гөлдәргә.
Һағыш һағышланып тора бирҙе,
Эйәрә алманым тип, елдәргә.

Алтын уғын һибеп ҡояш сыҡты,
Нурын ҡойҙо көләс гөлдәргә.
Һағыш һағышланып тора бирҙе,
Һоҡланып шул матур бер мәлгә.

Күңелемә тулған моң түгелде,
Бар матурлыҡ моңдо яралтты.
Яралтты ла ошо илаһи моң,
Минең һағышымды таратты.

Рүзәлиә НИҒМӘТУЛЛИНА.

Читайте нас:

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.

Баш мөхәррир

Мансуров Рәмил Ғәбдрәшит улы.

Телефон

Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73

Электрон почта

[email protected]

Адресы

453124, РБ, г. Стерлитамак, ул. Комсомольская, 82

Реклама хеҙмәте

(347) 325-18-57

Редакция

(347) 325-18-57

Ҡабул итеү бүлмәһе

(347) 325-18-57

Хеҙмәттәшлек

(347) 325-18-57