+30 °С
Болотло
Әҙәби күстәнәс
10 Декабрь 2020, 07:00
Декабрь календары
Календарҙа бер яҙма бар,Тарихсы яҙған яҙма…
Тыйһалар-тыймаһалар ҙа
Һаҡланмай баҫам ҡарға.
Тарих тағы түңкәрелә
Кем уйлап тапҡан быны?
Ленин бабайҙай ҡәҙерле
Юлбашсыбыҙҙың һыны.
Башҡорт рухын һындырырға
Юлдар табылып тора,
Ташты-ташҡа ышҡығанда
Уттар ҡабынып тора.
Баш етмәҫлек аҡылдарҙан
Ваҡиғалар ҡуйыра –
Уртаһында йөрөгәнде
Тыуған илдән айыра.
Хөкөм сығарырға иртә
Тарихты тапай-тапай,
Ғәҙелһеҙлек булғанда ла
Бер кемде бер кем һатмай…
Календарҙа бер яҙма бар,
Күңел тыныслыҡ тапмай.
Декабрҙең һалҡынынан
Йөрәгем ярһып сатнай…
