Башҡорттарға аңлатамын башҡортлоҡто...

Шығырым тулы оло залда, йөрәкһенеп, Башҡорттарға аңлатамын башҡортлоҡто.

Йәш-елкенсәк күрәләтә сығып китте,
Һөйләй, тиҙәр, шағир апай бушты-юҡты.

Арттарынан шап ябылған ҡалын ишек
Бикләр микән инде беҙҙең арабыҙҙы?
Эй, ҡөҙрәтле ил инәһе! Әйт һүҙеңде!
Кире борсо,
Уйландырып бынау уйһыҙ балаларҙы!

Эй, хөрмәтле ил ағаһы! Ҡайҙа һуң һин?
Әйтсе бер һүҙ! Оран булһын бүтәндәргә –
Иленән дә, теленән дә, көнөнән дә
Ваздар кисеп, күктән бәхет көткәндәргә.

Башҡорттарға аңлатамын башҡортлоҡто:
Эй, киленем! Ҡеүәт бирсе һүҙҙәремә.
Әйтсе бер һүҙ, йәндәремде мине аңлап,
Алдарыңа мин әҙермен теҙләнергә.

Эй, туғаным! Телһеҙҙәр бит балаларың...
Әйтә алмай: ҡайҙа яҡшы, ҡайҙа ялған.
Көн итеүсе үҙ тамағын уйлап ҡына
Кешеме ни? Ул – ҡурҡыныс, ул бит – яман!

Башҡорттарға аңлатамын башҡортлоҡто
Тыуып үҫкән ерҙәрендә Салауаттың.
Тыумаҫ микән йорт-еремдә яңы батыр
Яңыртырға Салауаттың аманатын?

Эҙләһәм дә, таба алмам халҡым рухын
Араһынан бейек-бейек таш йорттарҙың.
Йәнебеҙгә нисек итеп ҡайтарайыҡ,
Башҡортлоҡто ҡайтарайыҡ, башҡорттарым!

Факиһа ТУҒЫҘБАЕВА.

Читайте нас

Новости партнеров

Фотобанк журналистов РБ

Рубрика "Еда и напитки"

Рубрика "Животные"

Бөтә хоҡуҡтар ҙа яҡланған.

Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.

Об использовании персональных данных

Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.

Баш мөхәррир

Мансуров Рәмил Ғәбдрәшит улы.

Телефон

Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73

Электрон почта

ashkadar-st@yandex.ru

Адресы

453124, РБ, г. Стерлитамак, ул. Комсомольская, 82

Реклама хеҙмәте

(347) 325-18-57

Редакция

(347) 325-18-57

Ҡабул итеү бүлмәһе

(347) 325-18-57

Хеҙмәттәшлек

(347) 325-18-57