Рөстәм Басиров “БСК”ның ойоштороу һәм кадрҙар сәйәсәте буйынса йүнәлешен етәкләй

Уның кандидатураһын БСК директорҙар советының 11 ағзаһы бер тауыштан хуплаған. Рәсәй Федерацияһының ғәмәлдәге 3 класлы советнигы, 42 йәшлек Рөстәм Ришат улы Басиров үҙенең һөнәри тормошоноң ҙур өлөшөн власть органдарында эшләй: 8 йыл Стәрлетамаҡтың ҡала хакимиәтендә, 2 йыл Башҡортостан Республикаһы Президенты хакимиәтендә, 5 йыл Рәсәй Федерацияһы Президенты хакимиәтендә, Волга буйы федераль округында Рәсәй Федерацияһы Президентының тулы хоҡуҡлы вәкиле аппаратында.

Рөстәм Басиров 1977 йылдың 5 мартында тыуған. 1999 йылда Стәрлетамаҡ дәүләт педагогия институтын «Тарих» белгеслеге буйынса, ә 2006 йылда республика Фәндәр академияһының Өфө фәнни үҙәге аспирантураһын тамамлаған. Тарих фәндәре кандидаты. Дәүләт наградалары араһында – II дәрәжә «Ватан алдындағы ҡаҙаныштары өсөн» ордены миҙалы, шулай уҡ төбәк һәм дәүләт власы федераль органдарының ведомсво наградалары ла бар.