+24 °С
Болотло
Белмәй ҡалмағыҙ
3 Июль 2021, 11:25
СОЦИАЛЬ ПРОЕКТ ИҢ ЯҠШЫҺЫ БУЛЫП ТАНЫЛҒАН
VI Бөтә Рәсәй «Йылдың иң яҡшы социаль проекты» конкурсында Стәрлетамаҡта эшләп килгән проект «Иң яҡшы социаль проекттар араһында социаль хеҙмәтләндереү өлкәһендәге коммерцияһыҙ проект» номинацияһында еңеүсе булған. Проекттың авторы Александр Кузьменко.
Әйберҙәр банкына граждандар кейемдәр, аяҡ кейеме һәм башҡа үҙҙәренә ярамаған, йәки кәрәк булмаған нәмәләр тапшыра ала. Ә үҙ сиратында мохтаж булыусылар бында килеп үҙҙәренә кәрәктәрен һайлап ала.
Әйберҙәр банкы ҡалабыҙҙың Яҡутов урамы, 9 Б адресы буйынса урынлашҡан. Тағы ла өҫтәмә ҡабул итеү пункттары эшләй, улар контейнер формаһында эшләнгән һәм сауҙа үҙәктәрендә ҡуйылған. Контейнерҙарға бер кем менән дә контактта булмайынса әйберҙәрҙе ҡалдырып китә алаһығыҙ. Был донъялағы эпидемиологик торошто иҫәпкә алғанда тағы ла уңайлыраҡ ысул.
Фото - интернет-портал "CityOpen"
