Хакимиәт башлығы грантына конкурс

Конкурста “Стәрлетамаҡ – әүҙем ҡала” номинацияһында биш урын, “Ватансылыҡ” номинацияһында – өс урын, “Ҡаланы бергәләп матурлайыҡ”та ике урын билдәләнә. Тәүге ике номинацияла  250-шәр мең һум аҡса бирелһә, “Ҡаланы бергәләп матурлайыҡ” номинацияһында еңеүселәр 300 000 һумға эйә була. Быйыл гранттарҙың дөйөм суммаһы 2,5 миллион һум тәшкил итәсәк.

Конкурска заявкалар ҡала хакимиәтенең йәмәғәтселек институттары менән бәйләнеш бүлегендә (Октябрь проспекты, 32-се йорт, 228-се бүлмә) иртәнге 9-ҙан киске 6-ға тиклем ҡабул ителә: 24-16-69, 8-917-789-65-70 телефондары буйынса белешмә алырға була. Һорауҙарҙы  [email protected] электрон адресына ла йүнәлтергә мөмкин.

Йәмәғәтселек институттары менән бәйләнеш бүлеге.