«КУПЕЦ 2.0»: элекке яҡшы ваҡыттарҙағы һымаҡ!

Уның исеме лә, тематикаһы ла осраҡлы һайланмаған. Әгәр ҙә беҙ ҡалабыҙ тарихына әйләнеп ҡайтһаҡ, беҙ уның фәҡәт сауҙагәр ҡалаһы булараҡ сәскә атыуын беләбеҙ. Ә сауҙагәрҙәр халыҡтың мөһим өлөшөн генә тәшкил итмәгән, ә Стәрлетамаҡ үҫешендә әһәмиәтле төп көс тә булған. Ә 19 быуат башында тоҙ пристаны булараҡ нигеҙләнгән ҡала сауҙа үҙәге була ла инде.1974 йылда губерна ерҙәрен үлсәүсе Тимофей Афанасьев Стәрлетамаҡтың  план-схемаһын төҙөгән, ошонан сығып, беҙ Стәрлетамаҡта 119 ир затынан булған сауҙагәрҙең йәшәгәнен беләбеҙ. Ә ул ваҡытта ҡала халҡы нибары 500-ҙән ашыу булған. Өфө губернаһының яртыһынан күберәк сауҙагәре Стәрлетамаҡҡа килеп төпләнгән булған. Улар Иҙел буйы, Ырымбур губернаһы, Себер һәм Азия илдәре менән бергәләшеп һатыу иткәндәр. Ҡалабыҙҙа йыл һайын  2 тапҡыр ҙур йәрминкә ойошторолған: февраль һәм октябрь айҙарында. Шул замандарҙа уҡ бөтә тирә-яҡтан халыҡты  кәрәкле тауар менән генә тәьмин итеп ҡалмаған улар, ә  ысын мәғәнәһендә мәҙәни тормоштоң үҙәге булып та торғандар. Беҙҙең «Купец 23.0» ҡунаҡсыллыҡ фестивале ҡалабыҙҙың данлыҡлы йолаларының дауамы ул, шул уҡ ваҡытта эшлекле ҡала халҡына ихтирам өлгөһө лә ул! Ә тиҙҙән беҙ замана сауҙагәрҙәре менән осрашасаҡбыҙ. Был фестиваль «БСК! акционерҙар йәмғиәте ярҙамында үткәрелә.

Ойоштороусылар мәғлүмәте буйынса.