"Рәсәй сауҙаһы"конкурсына ғаризалар ҡабул ителә башланы.

Сараны ойоштороусылар булып тармаҡ ассоциациялары - ритейл баҙары эксперттары ассоциацияһы, Рәсәйҙең Бойондороҡһоҙ селтәрҙәр союзы, Ваҡлап сауҙа итеүсе компаниялар ассоциацияһы, Рәсәйҙең Күмәртәләп һатыу баҙарҙары союзы, Рестораторҙар һәм отельерҙар федерацияһы, «Рәсәй сифат системаһы» автономлы коммерцияға ҡарамаған ойошмаһы ярҙамында Рәсәй Федерацияһының Сәнәғәт һәм сауҙа министрлығы сығыш яһай.
Еңеүселәр түбәндәге номинациялар буйынса һайлап алынасаҡ: «Иң яҡшы сауҙа урамы», «Иң яҡшы стационар булмаған сауҙа объекты», «Иң яҡшы йәрминкә», «Иң яҡшы ваҡлап һатыу баҙары», «Иң яҡшы мобиль сауҙа объекты», «Иң яҡшы магазин», «Иң яҡшы туҡланыу предприятиеһы», «Иң яҡшы сауҙа фестивале», «Иң яҡшы күмәртәләп һатыу баҙары», «Иң яҡшы урындағы тауар етештереүсенең фирма селтәре», «Иң яҡшы Рәсәй тауарҙары тәҡдим итеү».
«Рәсәй сауҙаһы» конкурсы бөтә илдән ҡатнашыусыларҙың иғтибарын йәлеп итә. Еңеүселәр награда аласаҡ, ә уларҙың уңыштары, ғәҙәттәгесә, 12-се «Рәсәй Ритейлы аҙналығы» барышында наградлау тантанаһында дөйөм иғтибарға тәҡдим ителәсәк.
  «Рәсәй Ритейлы аҙналығы» халыҡ-ара бизнес һәм власть форумы - 2026 йылдың 22-25 июнендә үтәсәк.
«Рәсәй сауҙаһы» конкурсында ҡатнашыу өсөн сауҙагәрҙәр.рф сайтында заявка биреп, анкета тултырырға кәрәк. Ғаризалар 27 мартҡа тиклем ҡабул ителә. Квалификациялы һайлап алыу һәм еңеүселәрҙе билдәләү этаптары 30 апрелдә тамамланасаҡ.


Башҡортостан Республикаһы Сауҙа һәм хеҙмәттәр министрлығы мәғлүмәте буйынса.