Улар беҙҙең тыныслыҡты һаҡлай

– Күргәҙмәнең маҡсаты – фронттағы хәрбиҙәребеҙҙең тормошон күрһәтеү, фронттағы һалдаттарыбыҙҙың ниндәй ҡорал ҡулланыуы тураһында һөйләү, көнкүрештән күрһәтеү, Рәсәй хәрбиҙәренең хәрби-һауа көстәрен үткәреү зонаһындағы батырлыҡтары тураһында бәйән итеү. Күргәҙмәне ойоштороуҙа ирекмәндәр отряды коллективтарына ярҙам иткәндәре өсөн Шайморатов исемендәге ирекмәндәр штабы етәксеһе Ринат Хөсәйеновҡа, Ватан яугирҙары ғаиләләре комитеты етәксеһе Янина Волочаеваға рәхмәт белдерәбеҙ, – тине ҡала хакимиәте башлығы урынбаҫары Илдар Ғарифуллин. Шулай уҡ бында сығыш яһаусыларҙың һәр береһе тиҙерәк һуғыш тамамланып, тыныс тормош урынлашыуын, күгебеҙ аяҡ булыуын теләне.

Әйткәндәй, сәнғәт галереяһы көн һайын 12.00 сәғәттән 20.00 сәғәткә тиклем эшләй, инеү ирекле.

Ысынлап та, экспозиция рәссамдар төшөргән картиналарҙың, графикаларҙың һәм һүрәттәрҙең теүәл күсермәләрен үҙ эсенә алһа ла, был эштәр художестволы әҫәр генә түгел, ә һуғыш осоро шарттарында батырлыҡ, сыҙамлыҡ һәм кешелеклелектең документаль дәлиле булып тора.

Римма ҒӘЛИМОВА.

Фотолар Гагарин паркы сәхифәһенән алынды.

Сарала ҡатнашыусылар фекере:

Айҙар ДУСТАНОВ:

– МХО зонаһынан яраланып ҡайттым, күргәҙмә – һуғыш яланын күҙ алдына баҫтырған тере тарих ул. Ойоштороусыларға ҙур рәхмәт.

Илгиз ЙӘҒӘФӘРОВ:

– Минең өсөн һуғыш тамамланманы. Мин әле лә сафта. Хәбәрһеҙ юғалғандарҙы эҙләү менән шөғөлләнәм. Уларҙың ғаиләләренә ярҙам итәм.