Ашҡаҙар
+21 °С
Болотло
Бөтә яңылыҡтар
Общие статьи
5 Октябрь 2018, 14:02

Бер аҙнала – биш янғын

Ҡала янғын һағы хеҙмәтенән хәбәр итеүҙәренсә, үткән аҙнала Стәрлетамаҡта биш янғын булған. Янғын һүндереүселәргә 18 шылтыратыу булған, шулар араһында – 5 янғын, 4 ялған шылтыратыу, 3 сүп-сар янып китеү, 2 аҙыҡ көйөү һ.б сәбәптәр арҡаһында шылтыратыуҙар булған.

Һәләк булыусылар һәм йәрәхәт алыусылар юҡ.
24 сентябрҙә Г. Рутман исемендәге урамда бер мунса янып киткән. Сәбәбе – йылытыу мейесен ҡулланыу ҡағиҙәләрен боҙоу.
24 сентябрҙә Ленин проспектындағы бер фатирҙа һүндерелмәй ҡалған тәмәке төпсөгөнән ут сыҡҡан.
25 сентябрҙә баҙар янындағы һатыу итеү палаткаһы (Тыныслыҡ урамы, 2/2) янған. Әле сәбәбе асыҡлана, тикшереү бара.
28 сентябрҙә Тимер юл урамында «Москвич 2141» мар-калы еңел автомобиль янып киткән. Әлеге ваҡытта тикшереү бара.
30 сентябрҙә Артем урамында 93-сө йортта электр бүлеү щитында ут сыҡҡан. Янғындың сәбәбе – һыу үтеү арҡаһында ҡыҫҡа ялғаныш барлыҡҡа килгән.
Йыл башынан ҡалала йәмғеһе 131 янғын булған, 10 кеше зыян күргән, 2 кеше һәләк булған. Үткән йыл ошо осорҙа ҡалала 134 янғын булғайны, 19 кеше зыян күргән, бер кеше һәләк булған.
Читайте нас: