Тәүге юрау раҫланманы

Башта колледж ашханаһында тимер әйберҙәр менән көпләнгән, асыҡланмаған шартлатҡыс шартлап, 20 кешенең һәләк булыуы, 50-нән ашыу кешенең яраланыуы, был хәлдең теракт булыу ихтималлығы хаҡында хәбәр иткәйнеләр. Бында шунда уҡ РФ Ғәҙәттән тыш хәлдәр министрлығынан ҡотҡарыусылар, табиптар, тиҙ ярҙам ҡорамалдары менән ИЛ-76 самолеты ебәрелде, Владимир Путин яралыларҙы иң алдынғы дауаханаларға оҙатырға күрһәтмә бирҙе.

Асыҡланыуынса, ҡулына ҡорал тотоп колледжға ингән енәйәтсе – ошо уҡыу йортоноң 4-се курс студенты, 18 йәшлек Владислав Росляков. Ул тәүҙә бүлмәләр буйлап йөрөп, осраған һәр кешене тиерлек атып сыҡҡан, ә аҙаҡ китапхана бүлмәһендә үҙен-үҙе атып үлтергән.

Ике тиҫтә ғүмер… Бигерәк тә әле йәшәй генә башлаған йәштәрҙең ғүмере йәл… Ә ҡулына енәйәт ҡылыр өсөн ҡорал алған йәш кешенең ғүмере тураһында ни уйларға һуң?..