Ашҡаҙар
+19 °С
Болотло
Бөтә яңылыҡтар
Общие статьи
24 Июнь 2019, 13:22

Башҡортостан вәкиллеге – Венала

Республика етәксеһе Радий Хәбировтың күрһәтмәһе буйынса сит илдә Башҡортостан вәкиллеген асыу йәһәтенән эш бара. Был ғәмәл “Халыҡ-ара кооперация һәм экспорт” милли проектына ярашлы тормошҡа ашырыла.

Әле “Башҡортостан Республикаһы һәм Австрия Республика араһында хеҙмәттәшлеккә булышлыҡ ҡылыу буйынса ассоциация” асыу йәһәтенән Австрия яғынан хуплау алынған. Офис Венаның эшлекле үҙәгендә урынлашасаҡ.
Ассоциация Австрияла Башҡортостандың мәнфәғәттәрен яҡлаясаҡ, ике арала төрлө тармаҡтар буйынса хеҙмәттәшлекте үҫтереүгә, сит ил баҙарында башҡорт продукцияларын киңерәк йәйелдереү, милли-мәҙәни саралар, конгрестар, күргәҙмәләр, бизнес-ғәмәлдәр ойоштороуға булышлыҡ ҡыласаҡ.
Бынан тыш, вәкиллек киләсәктә Европаның башҡа дәүләттәре менән дә бәйләнештәр булдырыу өсөн “плацдарм” ролен уйнаясаҡ. Ғөмүмән, белгестәр әйтеүенсә, ул Башҡортостандың тышҡы иҡтисадын үҫтереүгә, уны яңы үҫеш юлына сығарыуға ҙур өлөш индерәсәк.
Иртәгә Венала Башҡортостан көнө һәм һабантуй үтә.
Д. ИШМОРАТОВА.
#ВладимирПутин#национальныепроекты#нацпроекты
Читайте нас: