+13 °С
Болотло
Бөтә яңылыҡтар
Общие статьи
26 Июль 2019, 14:41
Завод буш тора
ИнцидентЗавод буш тораБашҡортостанды Радий Хәбиров етәкләй башлағандан бирле республикала “Инцидент” программаһы әүҙем эшләп килә. Муниципалитеттар халыҡ мөрәжәғәтенә ҡолаҡ һалып ҡына ҡалмай, кисекмәҫтән, мәсьәләне хәл итергә тотона. Социаль селтәрҙәрҙә халыҡтан килгән төрлө мөрәжәғәттәрҙе теркәп барған система ярҙамында беҙҙең ҡалала ла бик күп мәсьәләләр ыңғай хәл ителеп килә. Әйткәндәй, күптән түгел Стәрлетамаҡ ошондай алым буйынса республикала иң яҡшы муниципалитет тип танылды.
Ҡала хакимиәтенә Күн-аяҡ кейемдәре заводы яҙмышы тураһында белергә теләп мөрәжәғәт итеүселәр бар. Был һорауға ҡала хакимиәтенең сәнәғәт, транспорт һәм элемтә бүлеге баш белгесе Любовь Собачкина яуап бирә. Фотоһүрәттән күренеүенсә, был – элекке «Стәрлетамаҡ күн-аяҡ кейемдәре заводы» предприятиеһы. Әлеге ваҡытта завод эшләмәй. Уның бер өлөшө буш тора, ә ҡайһы бер майҙандарында хәҙер «Башпласт» яуаплылығы сикләнгән йәмғиәте урынлашҡан. Бина – хосуси милексе ҡулында.
Шулай уҡ Строймаш ҡасабаһы территорияһын йыйыштырыуға ҡа-ғылышлы һорауға ла яуап бар. Был территория ҡалаға ҡарай. «УРБ» яуаплылығы сикләнгән йәмғиәтенә уны йыйыштырыу (таҙартыу) өсөн наряд-заказ ебәрелгән.
Тағы бер мөрәжәғәтте ҡарайыҡ. Һорау Патриотик урамындағы, 102-се йорттоң торошона ҡағыла. Фотоһүрәттән күренеүенсә, йорттоң бер яҡ ситендә керамик кирбестән эшләнгән йөҙлөгө аҡтарыла башлаған. Был хәл хәүеф тыуҙыра.
Торлаҡ-коммуналь хужалыҡ бүлегенең капиталь ремонт секторы мөдире Наталья Холина аңлатыуынса, был хәл архитектура ҡоролмаһының аҫҡы ҡаты ҡатлау-ҡатлау булып ҡубыу (төпкә ултырыу) арҡаһында килеп сыҡҡан. Йортто хәүефһеҙ фай-ҙаланыу маҡсатында, был ҡоролма һүтеп алынған. Элегерәк йорттоң башҡа урындарында ла ошондай ҡубып сыҡҡан осраҡтар булған. Сатнаған урындарҙы ваҡытында һылап (штукатурлап) ҡуй-ғандар.
Күренеүенсә, ҡалала йәшәүсе граж-дандарҙы борсоған һорауҙар яуапһыҙ ҡалмай. Йәғни, социаль селтәрҙәрҙә ябай кешеләр яҙған мәсьәләләргә етәкселәр тиҙ иғтибар итә. Шуға күрә, үҙегеҙҙе борсоған мәсьәләләр менән мөрәжәғәт итегеҙ – ҡала етәкселеге һәр ваҡыт ярҙам ҡулы һуҙырға әҙер!
Р. САФИНА.
Читайте нас:
© 1990 - 2024 «Ашҡаҙар» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.
Баш мөхәррир
Мансуров Рәмил Ғәбдрәшит улы.
Телефон
Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73
Электрон почта
Адресы
453124, РБ, г. Стерлитамак, ул. Комсомольская, 82
Реклама хеҙмәте
(347) 325-18-57
Редакция
(347) 325-18-57
Ҡабул итеү бүлмәһе
(347) 325-18-57
Хеҙмәттәшлек
(347) 325-18-57