Бөтә яңылыҡтар
Общие статьи
17 Август 2019, 09:55

Президент гранты алғандар

Президент гранты алғандарБашҡортостандан алты ғалим төрлө өлкәләрҙе өйрәнеүҙәре өсөн Рәсәй Президенты Владимир Путингрантын алды.

Рәсәй Фәндәр академияһының Өфө федераль тикшеренеү үҙәге вәкиле Оксана Ласточкина ауыл хужалығы өлкәһен өйрәнә. Йәш ғалимә үҫемлектәрҙең сирҙәргә һәм дымлылыҡ етешмәүгә бирешмәүсәнлеген тикшерә. БашДУ-нан Вячеслав Цветков үҫемлектәрҙә ауырыу барлыҡҡа килтереүсе зыянлы бөжәктәрҙең һәм микроорганизмдарҙың бөтә нескәлектәрен асыҡлай. Рәсәй Фәндәр академияһының металдарҙың үтә һығылмалылыҡ проб-лемалары институты докторы Елена Корзникова иһә ҡаты материалда көсөргәнешле тәьҫир һөҙөмтәһендә барлыҡҡа килгән кәмселектәрҙе өйрәнеп, бер миллионлыҡ грант алды. Уның тикшеренеүҙәренең төп маҡсаты – материалдың структураһы менән идара итергә форсат бирерҙәй белем алыу. Ә бына ӨДАТУ-нан фән кандидаты Вячеслав Вавилов самолеттар өсөн ҡулланыла торған заманса электр двигателе һәм генератор өҫтөндә эшләй. ӨДАТУ-нан фән докторы Камил Рамаҙанов авиация сәнәғәтендә ҡулланылған металл киҫеүсе ҡоралдарҙың ныҡлылығын яҡшыртыу проблемаһын хәл итергә тырыша. БашДУ-ан фән кандидаты Ольга Абрамова үҙенең хеҙмәтен биохимик процестар эшенә арнаған. 600 мең һумдан алып 1 миллион һумға тиклем күләмдәге гранттар ғалимдарға үҙҙәренең проекттарын һәм тикшереүҙәрен артабан үҫтереү өсөн бүленгән. Аҡсалар ике йыл эсендә үҙләштерелергә тейеш.
Р. ЗАМАНОВА.
Читайте нас в