-6 °С
Болотло
Бөтә яңылыҡтар
Общие статьи
2 Октябрь 2019, 23:08
Мостай Кәримдең ҡыҙы Өфө тарихы музейына шағирҙың шәхси әйберҙәрен бүләк итте
Мостай Кәримдең ҡыҙы Өфө тарихы музейына шағирҙың шәхси әйберҙәрен бүләк иттеБөгөн Башҡортостандың халыҡ шағиры Мостай Кәримдең ҡыҙы Өфө тарихы музейына барҙы. Күренекле яҙыусының бер быуатлыҡ юбилейы йылында Әлфиә Кәримова музейға уның шәхси әйберҙәрен бүләк итте. Хәҙер өҫтәл лампаһы, сәғәт, ручка һәм дүрт шиғырҙың ҡулъяҙмаһы музей коллекцияһын биҙәй.
«Мин шатланып килдем. Өфө тарихы музейын асыуҙарын күптән көттөм. Һәр ҡалала бар, ә беҙҙә юҡ ине. Ниһайәт, баш ҡаланың үҙәк, тарихи урамында ошондай музей барлыҡҡа килде, был – ҡалабыҙҙың йөрәге, — тине Әлфиә Мостай ҡыҙы. — Музейға нимә бүләк итергә икән тип уйланым. Папкала атайымдың 1985 йылдың 1 ғинуарында Малеевкалағы ижад йортонда яҙған шиғырҙарының ҡулъяҙмаһын таптым».
Быйыл баҫылып сыҡҡан һәм Өфө ҡалаһы мэрҙарының береһе Михаил Зайцевҡа бағышланған «Йәләлетдин олатай» китабының да музейҙа лайыҡлы урын биләйәсәгенә шик юҡ. Әлфиә Мостай ҡыҙы китапҡа ҡултамғаһын ҡуйҙы һәм музей китабында үҙенең теләктәрен яҙып ҡалдырҙы.
«Иң мөһим теләк шул: Өфө ҡалаһы музейы үҫешһен, ҡайнап торған тормош менән йәшәһен, халыҡ — өфөләр һәм баш ҡала ҡунаҡтары күпләп килһен», — тип уҡып ишеттерҙе ул яңы музейға мөрәжәғәтен.
Әлфиә Мостай ҡыҙына музейҙың логотибы төшөрөлгән ҡара ҡулсатыр килтерҙеләр һәм шуның аҫтында иҫтәлеккә фотоға төштөләр.
«Мостай Кәрим һәр саҡ алда, йәмәғәтселек фекере лидеры, Өфөнөң почетлы гражданы булды. Бөгөн һеҙ музейыбыҙ йәшәүен дауам итһен өсөн баш ҡаланың билдәле кешеләренә ҙур өлгө күрһәттегеҙ», — тине Өфө вице-мэры Алина Сөләймәнова.
Ошо ваҡиға өсөн махсус рәүештә балалар китапханаларының үҙәкләштерелгән системаһы Мостай Кәримдең китаптары күргәҙмәһен әҙерләп күрһәтте. Өфө мәктәптәре уҡыусылары әҙәби композиция менән сығыш яһаны. Бөтәһенә лә музей буйлап экскурсия үткәрелде.
Читайте нас:
© 1990 - 2024 «Ашҡаҙар» гәзите.
Бөтә хоҡуҡтар ҙа яҡланған.
Мәҡәләләрҙе күсереп баҫҡанда, йә уларҙы өлөшләтә файҙаланғанда «Ашҡаҙар» гәзитенә һылтанма яһау мотлаҡ.
Зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР). Регистрационный номер: серия ПИ №ТУ02-01679 от 22 июля 2019 г.
Баш мөхәррир
Мансуров Рәмил Ғәбдрәшит улы.
Телефон
Баш мөхәррир (347) 325-18-57 Яуаплы сәркәтип (347) 325-18-57 Хәбәрселәр (347) 325-75-70 Бухгалтерия (347) 325-60-73
Электрон почта
Адресы
453124, РБ, г. Стерлитамак, ул. Комсомольская, 82
Реклама хеҙмәте
(347) 325-18-57
Редакция
(347) 325-18-57
Ҡабул итеү бүлмәһе
(347) 325-18-57
Хеҙмәттәшлек
(347) 325-18-57