+4 °С
Ясно
Общие статьи
3 Июля 2020, 05:50
Яһалма интеллект кеше менән тиңләшә алмай!
Яңы өлкәлә үҙенә һөнәр табып, башҡорт халҡы өсөн хеҙмәт иткән яҡташыбыҙ - Илдар Кинйәбулатов менән бәйләнешкә индек һәм ҡайһы бер һорауҙарға яуаптар алдыҡ. Уларҙы һеҙҙең иғтибарға ла тәҡдим итәбеҙ.– Һуңғы ваҡытта социаль селтәрҙәр бик әүҙемләште. Уларҙың яңынан-яңы төрө барлыҡҡа килеп тора. Шулай ҙа берәй заман улар ҙа артҡы планда ҡалыр кеүек. Ниндәй ресурстар улар урынына алмашҡа килеүе мөмкин?– “Фейсбук” йә “Бәйләнештә” һымаҡ ҙур социаль селтәрҙәрҙең файҙаһы кәмей. Улар әле сүплеккә оҡшап бара. Ҡулланыусылар быға бик ҡәнәғәт түгел. Шул уҡ ваҡытта яңы, айырым темаларға бағышланған йә аныҡ функция үтәгән бәләкәйерәк социаль платформалар барлыҡҡа килә. Мәҫәлән, элекке мессенджерҙар шул уҡ социаль селтәрҙәргә оҡшап китте. Йә Youtube видео платформаһы. Ул бер яҡтан телевизорға оҡшаған, икенсе яҡтансоциаль функциялары ла аныҡ күренә. Был тренд киләсәктә лә дауам итер. Тағы бер йүнәлеш – тулыландырылған виртуаль ысынбарлыҡ (AR/VR тип атарға була интерент телендә) яйланмалары һәм яңы быуын элемтә технологиялары (5G) таралыу менән, социаль бәйләнештәр экран сиктәренән тулыһынса сығып китеүе мөмкин. Ул нисек булыр, әлегә күҙаллауы ауыр. “Фән” милли проекты һымаҡ проекттар нигеҙендә башҡарылған эштәр, мәҫәлән, был йәһәттән асыштарғакилтереүе ихтимал.#Стәрлетамаҡ #йәштәр #АшҡаҙарГәзите #миллипроект #нацпроект #Башҡортостан
– Ниндәйҙер һөнәрҙәр юғала, әммә технологиялар үҫеше яңы һөнәрҙәр барлыҡҡа килтерә...
– Элегерәк мәғлүмәт технологиялары айырым өлкә булып йөрөһә, яҡын киләсәктә бөтөн башҡа өлкәләр уларҙы үҙенә һеңдерәсәк. Ауыл хужалығы, сәнәғәт, дәүләт хеҙмәттәре, сауҙа һәм белем биреү – береһе лә ситтә тороп ҡалмаясаҡ. Яһалма интеллект технологиялары һәм платформалар әле популяр булған күп эш урындарын һанлы технологияларға яраҡлаштырасаҡ. “Һанлы иҡтисад” милли проекты кеүек ҙур проекттарҙан быны күрәбеҙ ҙә инде. Икенсе яҡтан, компьютер әле оҙаҡ ваҡыт кеше менән тиңләшә алмаясаҡ. Ысын мәғәнәлә аҡыллы булып китер һәм ижади һәләттәр үҫтерер өсөн компьютерҙың ресурстары барыбер етешмәй. Кешенең тағы бер көслө яғы – башҡа кешеләрҙе аңлау һәм аралаша белеү! Минеңсә хәҙер универсаль һөнәрҙәр рәтенә идара итеү һәм менеджмент, яңы технологиялар һәм инженерлыҡ, фән һәм академик тикшеренеүҙәр өлкәһе һөнәрҙәрен индерергә була. Перспектив өлкәләр ҙә бар, улар, мәҫәлән: биотехнологиялар, һанлы технологиялар, робототехника, яңы энергетика, мәғариф, һаулыҡ һаҡлау һәм медицина, экология һәм мөхит, мәҙәниәт һәм гуманитар технологиялар, финанс технологиялары. Сеймал сығанаҡтарын сығарыу һәм эшкәртеү өлкәләренең роле, ғөмүмән, түбәнәйәсәк.
– Элегерәк мәғлүмәт технологиялары айырым өлкә булып йөрөһә, яҡын киләсәктә бөтөн башҡа өлкәләр уларҙы үҙенә һеңдерәсәк. Ауыл хужалығы, сәнәғәт, дәүләт хеҙмәттәре, сауҙа һәм белем биреү – береһе лә ситтә тороп ҡалмаясаҡ. Яһалма интеллект технологиялары һәм платформалар әле популяр булған күп эш урындарын һанлы технологияларға яраҡлаштырасаҡ. “Һанлы иҡтисад” милли проекты кеүек ҙур проекттарҙан быны күрәбеҙ ҙә инде. Икенсе яҡтан, компьютер әле оҙаҡ ваҡыт кеше менән тиңләшә алмаясаҡ. Ысын мәғәнәлә аҡыллы булып китер һәм ижади һәләттәр үҫтерер өсөн компьютерҙың ресурстары барыбер етешмәй. Кешенең тағы бер көслө яғы – башҡа кешеләрҙе аңлау һәм аралаша белеү! Минеңсә хәҙер универсаль һөнәрҙәр рәтенә идара итеү һәм менеджмент, яңы технологиялар һәм инженерлыҡ, фән һәм академик тикшеренеүҙәр өлкәһе һөнәрҙәрен индерергә була. Перспектив өлкәләр ҙә бар, улар, мәҫәлән: биотехнологиялар, һанлы технологиялар, робототехника, яңы энергетика, мәғариф, һаулыҡ һаҡлау һәм медицина, экология һәм мөхит, мәҙәниәт һәм гуманитар технологиялар, финанс технологиялары. Сеймал сығанаҡтарын сығарыу һәм эшкәртеү өлкәләренең роле, ғөмүмән, түбәнәйәсәк.
Новости партнеров
