Мәҫәлән, ошо көндәрҙә Стәрлетамаҡ ҡалаһында йәшәүсе 64 йәшлек ҡатынға ир кеше шылтыратып, инвестициялар хаҡында һөйләп ҡыҙыҡтырған. Уның татлы теленә ышанған ҡатын ике миллион һумға яҡын аҡсаһын билдәһеҙ иҫәптәргә күсергән...
Мутлашыусылар ауына эләкмәҫ өсөн һәр кем түбәндәге ҡағиҙәләрҙе күҙәтергә тейеш:
Бер ваҡытта ла таныш булмаған кешегә аҡса күсермәгеҙ;
Тикшерелмәгән һәм билдәһеҙ сайт аша билет, тауар һатҡан һәм башҡа хеҙмәттәр күрһәткәндәргә мөрәжәғәт итмәгеҙ;
Әгәр ҙә телефонға яңы симка ҡуйып, оҙаҡ ваҡыт иҫкеһе менән файҙаланмаһағыҙ, ул номерға тоташтырылған мобиль банкты һүндерегеҙ;
Бүләк отоу тураһында йәки башҡа ошондайыраҡ мәғлүмәт килһә лә, аҡса күсермәгеҙ;
Һеҙ һатырға теләгән әйберҙе алырға булып, аванс күсерәм, тип әйтһәләр ҙә, банк операцияһын үтәү өсөн бер ваҡытта ла картағыҙҙың һандарын һәм башҡа мәғлүмәттәрҙе бирмәгеҙ;
Әгәр ҙә банк картаһын юғалтһағыҙ, тиҙ арала һеҙҙе хеҙмәтләндергән банкка хәбәр итеп, картағыҙҙы яптырығыҙ.
