Подрядсылар эшкә тотондо.

Һәр объектҡа гарантия ваҡыты ла ҡуйылған: асфальт-бетон япмаһының өҫкө ҡатламына- 4 йыл, юлдың ситке ҡатламына – 2 йыл, люктарға- 3 йыл, юл тамғалары өсөн – 6 ай. Әгәр ҙә объекттарҙа гарантия ваҡыты сыҡмаҫ элек берәй етешһеҙлектәр табылһа, подрядсылар барыһын да үҙ иҫәбенә төҙәтергә тейеш.
Махсус комиссия асфальт-бетон ҡатламы ныҡлығын, тигеҙлеген, яҫылығы һәм ауышлығы нормаларға тура киләме, юҡмы икәнлеген тикшергәндән һуң,ҡайһы бер подрядсыларға етешһеҙлектәрен бөтөрөргә ҡушты.
Комиссия составына сәнәғәт бүлеге, транспорт һәм бәйләнеш бүлеге начальниктары, торлаҡ-коммуналь хужалыҡ идаралығы вәкилдәре,төҙөлөш бүлеге начальнигы, Стәрлетамаҡ йәмәғәт палатаһы, подрядсылар ойошмаһы вәкилдәре,төҙөлөш контролен тормошҡа ашырыу ( техник күҙәтеү) ағзалары ингән.