Стәрлетамаҡтар «Блокада икмәге»н бешергән

Икмәк бешереүселәрҙең бурысы блокада ваҡытындағы көндәлек норма булған 125 грамға оҡшаш икмәкте тергеҙеү ине.
Икмәк комбинатының директоры Миңзилә Нурулла ҡыҙы Ғәлләмова билдәләүенсә, «блокада икмәге»нең берҙәм рецебы булмаған, сөнки икмәк составы уңайлы ингредиенттарға ҡарап үҙгәргән. Ауыр ваҡыттарҙа икмәктең кешеләр өсөн аслыҡтан ҡотҡарыу сараһы булыуын күрһәтеү өсөн бешерелгән дә инде "Блокада икмәге".
Икмәк бешереү оҫтаһы Надежда Владимировна Кузьмина әйтеүенсә, икмәкте арыш, һоло ононан, көрпәнән һәм әсеткенән бешергәндәр. Һөҙөмтәлә икмәк бик ауыр, дымлы һәм тығыҙ килеп сыҡҡан. Был икмәк - блокаданы кисергән кешеләргә ҡарата хөрмәт һәм иҫтәлек билдәһе.
Кешеләр ошо бәләкәй генә, ләкин шундай мөһим икмәк киҫәген тотоп ҡот осҡос көндәрҙе иҫтәренә алды.

Фото:ГК "Стерх"