Стәрлетамаҡ дауаханаһында тоҙ шахтаһын ремонтлау тамамланды

Кабинетты яңыртыу «Оҙон һәм әүҙем тормош» милли проекты сиктәрендә тормошҡа ашырылды.
Тоҙ шахтаһының дауалау микроклиматы һаулыҡҡа ыңғай йоғонто яһай: ҡоро тоҙ аэрозоле тын алыу юлдарын тәрән таҙартырға һәм тын алыуҙы еңеләйтергә ярҙам итә. Процедуралар аллергия һәм хроник йүткереү ваҡытында файҙалы булырға мөмкин. Шулай уҡ шахтала булыу антистресс-терапия кеүек тә тәьҫир итә. Тынысландырыусы атмосфера, баҫыңҡы яҡтылыҡ һәм тыныс музыка нервы көсөргәнешен баҫырға, йоҡоно яҡшыртырға һәм эске ресурстарҙы тергеҙергә ярҙам итә.

1-се ҡала клиник дауаханаһының баш табибы Илшат Яппаров ҡала халҡын яңыртылған урындың мөмкинлектәренән файҙаланырға саҡырҙы: «Уңайлы, ремонтланған тоҙ шахтаһы пациенттарҙы ололар поликлиникаһында көтә, адресы: Патриотик урамы, 59. Һауығырға килегеҙ!»