Ашҡаҙар
-24 °С
Ясна
Бөтә яңылыҡтар
Эшҡыуар
31 Март 2020, 16:28

КҮҘЕ КҮРМӘҺӘ ЛӘ, ҮҘ МАГАЗИНЫН АСҠАН

Стәрлетамаҡта йәшәүсе Альберт Мотаһаров үҙ аҙыҡ-түлек магазинын асҡан. «Ярар, яҡшы булған», - тейер күптәр. Әммә был яңылыҡтың үҙенсәлеге шунда, егеттең күҙҙәре күрмәй. 2017 йылда уҡ ул глаукома арҡаһында күреү һәләтен юғалтҡан булған.Маҡсат ҡуйған кешегә бер нимә лә ҡамасаулмай, быны Альберт дәлилләй ҙә инде. Эшҡыуар булып килем алыу һау сәләмәт кеше өсөн дә еңелдән түгел. Әммә беҙгә мөмкинлектәре сикле граждандарыбыҙ һәр ваҡыт киреһен дәлилләй һәм танауға сиртә тиһәк тә була. Инвалид булыуына ҡарамаҫтан, йәш егет үҙ эшен асыу өмөтөн юғалтмаған.

Университет тамамлағандан һуң сауҙа өлкәһендә эшләп алған булған, был тәржибә үҙ эшен асырға ярҙам итә лә инде.
Егет әлеге магазины менән генә сикләнергә теләмәй, артабан да үҙ бизнесын үҫтерергә ниәтләй. Уны таныштары һәм дуҫтары дәртләндереп, ярҙам итеп тора. Күптәр үҙ өйҙәре эргәһендә магазиндар булыуға ҡарамаҫтан, уның магазинына тауар алырға киләләр.
Фотоһүрәт интернет селтәренән алынды.
Читайте нас в