Тәү ваҡытта «Транзитсити» биш яғыулыҡ комплекстарын М5 һәм М7 федераль трассалар эргәһендә урынлаштырырға уйлай. Объекттарҙың хаҡы 1 млрд һум тирәһе буласаҡ, 180 кешегә эш урыны булдырыла. Башҡортостан Хөкүмәте был проектты өҫтөнлөклө проекттар исемлегенә индереп инвесторҙарға дәүләт ярҙамы менән ҡулланырға мөмкинлек асырға ниәтләнә.
Иҫегеҙгә төшөрөп үткәндә Башҡортостан Хөкүмәте күптән түгел генә юл буйы сервисын үҫтереүгә өҫтөнлөклө маҡсаттар ҡуйҙы. Башҡортостанда автомобиль юлдарының оҙонлоғо 48,6 мең километр самаһы, уларҙың 800 км – федераль, 13,7 мең – төбәк, 34,2 мең километры урындағы юлдар статусына эйә.