+24 °С
Болотло
Ишеттегеҙме әле?
9 Декабрь 2020, 09:50
Эшҡыуарҙар үҙҙәре һайлаясаҡ
Киләһе йылдан йүнселдәр өсөн һалым тәртибендә үҙгәрештәр көтөлә. Мәҫәлән, алынасаҡ килемгә берҙәм һалымдың махсус тәртибе киләһе йылдың 1 ғинуарынан ғәмәлдән сыға. Һалым һалыуҙың ошо системаһын ҡулланған барлыҡ эшҡыуарҙарға яңы йылға тиклем башҡа һалым тәртибен һайларға кәрәк буласаҡ. Эшҡыуарҙар һалым һалыуҙың дөйөм системаһына, һалым һалыуҙың ябайлаштырылған системаһына, һалым һалыуҙың патент системаһына күсә ала.
“Был һалым төрөнөң әлегә алмашсыһы юҡ. Һалым һалыуҙың патент системаһы ла, ябайлаштырылған система ла бәләкәй предприятиелар һәм эшҡыуарҙар файҙаланған отошло, һығылмалы шарттарҙы тәҡдим итә алмай, Эшҡыуарҙарға ҡулай тәртипте һайлау зарурлығы тураһында хәбәр итергә, уларға ошо йәһәттән ярҙам күрһәтергә, төрлө сығанаҡтарҙы файҙаланып, алымдарҙы аңлатырға кәрәк буласаҡ. Ҡәнәғәтһеҙлек тыуҙырыу ғына түгел, предприятиеларҙың күпләп ябылыуына килтерерлек хәл-шарттарға юл ҡуймау мөһим” тип белдерҙе Эшҡыуарҙарҙың эштәре буйынса вәкил Флүр Әсәҙуллин.
«Башҡортостан» гәзите файҙаланылды.
