+30 °С
Болотло
Ишеттегеҙме әле?
4 Июнь 2021, 09:35
Эстәрле яр буйын кем төҙөкләндерәсәк?
Эстәрле яр буйын төҙөкләндереүгә аукционды урындағы «Арцах» яуаплылығы сикләнгән йәмғиәте фирмаһы отто, тип яҙа Коммерсант.Уфа сайтта. Компания башланғыс хаҡы 85,06 млн һумға, 11,5 процент дисконт менән 75,28 млн һумға килешеү төҙөргә тәҡдим иткән.
Иҫегеҙгә төшөрәбеҙ, быйыл Хоҙайбирҙин урамынан алып Михайловка биҫтәһендәге йәйәү йөрөй торған күпергә тиклем 3 гектар ер участкаһы төҙөкләндереләсәк. Эштәр 31 октябргә тиклем тамамланырға тейеш.
«СПАРК-Интерфакс» мәғлүмәттәре буйынса, «Арцах» ЯСЙ 2010 йылдың майында теркәлгән. Компания төҙөлөш майҙансыҡтары әҙерләү менән шөғөлләнә.
Уның берҙән-бер хужаһы - Геворг Григорян. Коммерсант.Уфа мәғлүмәттәренә ҡарағанда, 2020 йылда компания 118,33 млн һумға һигеҙ дәүләт килешеүе төҙөгән.
Р.ЗАМАНОВА.
