Бөгөн Стәрлетамаҡта вакцина яһатыу өсөн яңы мобиль пункт асыла.

Прививка яһатырға теләгәндәргә бында бар шарттар булдырылған.Мобиль пункттың эш сәғәте иртәнге 10-дан киске 6-ға тиклем.
Прививка яһатырға теләгәндәргә алдан яҙылыу талап ителмәй, уларҙы "тере" сират буйынса ҡабул итеү ойошторола. Үҙең менән паспортыңды алырға, шулай уҡ мотлаҡ медицина страховкалау полисын һәм СНИЛС-ты күрһәтергә кәрәк. Медицина хеҙмәткәрҙәре вакцинациялауҙың нисек буласағын аңлата, тикшерә, прививка яһатырға теләгән кешегә уны һалдырырғамы-юҡмы икәнлеген етди өйрәнә. Шунан ғына табип ҡарар сығара. Вакцина эшләткән кеше артабан 30 минут арауығында күҙәтеү аҫтында була. Аҙаҡ уның хаҡында бөтә белешмәләр вакцина алғандарҙың федераль регистрына индерелә.
Әйткәндәй, хәҙер балаларға ла вакцинация эшләй башланылар. Үткән аҙнала үҫмерҙәр өсөн  ҡалаға 110 вакцина килтерҙеләр.Улар яһалған да инде.
    Вакцина теләгән кешеләргә генә эшләнә. Ул ирекле һәм бушлай. Үҙ сәләмәтлегегеҙгә иғтибарлы булығыҙ!