+24 °С
Болотло
Ишеттегеҙме әле?
16 Февраль 2022, 07:02
Стәрлетамаҡта «Ҡатын-ҡыҙ – милләт әсәһе» конкурсының муниципаль этабы финалистары билдәләнде.
Республикабыҙҙың район-ҡалаларында Башҡорт ҡатын-ҡыҙҙары йәмғиәте менән берлектә Башҡортостан Халыҡтар дуҫлығы йорто, “Берҙәм Рәсәй” партияһының Башҡортостан төбәк бүлексәһе һәм Башҡортостандың Граждандар йәмғиәтенә ярҙам итеү фонды ойошторған "Ҡатын-ҡыҙ - милләт әсәһе" конкурсының муниципаль этаптарына йомғаҡлау саралары үтә.
Стәрлетамаҡта «Ҡатын-ҡыҙ – милләт әсәһе» конкурсының муниципаль этабы финалистары билдәләнде.
Стәрлетамаҡта ла гүзәл заттарыбыҙҙың бәҫен, абруйын арттырған был бәйгенең муниципаль этабы финалистары билдәләнде.
Был бәйгелә әүҙем тормош позицияһы булған,ҡатын-ҡыҙ һәм әсә ролен дә бик оҫта берләштерергә һәләтле, яҡшы белгес булып үҙ эшендә уңыштарға ирешкән, йәмәғәт тормошонда ҡайнап йәшәүсе ҡатын-ҡыҙҙар ҡатнаша. Быйыл беҙҙең ҡалала ошо күркәм конкурстың муниципаль этабы финалына БДУ-ның Стәрлетамаҡ филиалы педагогика һәм психология факультеты деканы, доцент Лилиә Бакир ҡыҙы Абдуллина, ҡаланың 62-се балалар баҡсаһы тәрбиәсеһе Гәүһәр Ғилметдин ҡыҙы Мирхәйҙәрова сыҡты. А.Инан исемендәге башҡорт-татар әҙәбиәте үҙәгендә, Башҡорт ҡатын-ҡыҙҙары йәмғиәтенең Стәрлетамаҡ бүлексәһе исеменән уларға иҫтәлекле бүләктәр һәм дипломдар тапшырылды. Хәҙер конкурс финалистары "Ҡатын-ҡыҙ – милләт әсәһе» VI республика конкурсында ҡала данын яҡлаясаҡтар.Уларға уңыштар теләп ҡалабыҙ!
Стәрлетамаҡта «Ҡатын-ҡыҙ – милләт әсәһе» конкурсының муниципаль этабы финалистары билдәләнде.
