Башҡортостанда шәхси клиникаларҙа 24 сирҙән бушлай прививка яһатырға мөмкин

 Был яңылыҡ республика халҡына дәүләт, шулай уҡ шәхси медицина учреждениеларында бушлай прививка яһатырға мөмкинлек бирә.
 "Бөтә медицина ойошмалары ла эпидемик күрһәтмәләр буйынса профилактик прививкалар календарына индерелгән вакциналар менән тәьмин ителә. Медицина учреждениеларын иммунобиологик препараттар менән тәьмин итеүҙе ойоштороу тәртибен Башҡортостан Хөкүмәте раҫлай. Граждандар ОМС системаһында эшләгән теләһә ниндәй клиникала вакцина эшләтергә мөмкин», - тине республика парламенты спикеры Константин Толкачев.
 Закон Башҡортостан Республикаһы Башлығы ҡул ҡуйғандан һәм рәсми баҫылып сыҡҡан көндән үҙ көсөнә инергә тейеш.