+30 °С
Болотло
Ишеттегеҙме әле?
16 Июнь 2022, 15:28
Башҡортостанда үҙенсәлекле ҡунаҡхана барлыҡҡа киләсәк.
Бөгөн, 16 июндә, Петербург халыҡ-ара иҡтисади форумында Башҡортостан Хөкүмәте һәм "Триа Девеломент" яуаплылығы сикләнгән йәмғиәте 1 проектҡа инвестициялар күләме яҡынса 200 миллион һум тәшкил иткән ҡунаҡхана селтәрен төҙөү тураһында килешеү төҙөнө.
Башҡортостанда үҙенсәлекле ҡунаҡхана барлыҡҡа киләсәк.
Документҡа Башҡортостан Республикаһы Хөкүмәте Премьер-министрының беренсе урынбаҫары - республиканың иҡтисади үҫеш һәм инвестиция сәйәсәте министры Рөстәм Моратов һәм "Триа Девелогер" яуаплылығы сикләнгән йәмғиәтенең генераль директоры Константин Гусельников ҡул ҡуйҙы.
- Компания республикала дөйөм ҡулланылыштағы федераль автомобиль юлдары буйлап уникаль селтәр бренды аҫтында берҙәм ҡунаҡхана селтәре булдырырға ниәтләй. Проекттан социаль һөҙөмтә 100 эш урыны булдырыуҙа ҡулланыласаҡ, - тип һөйләне Рөстәм Моратов.
Проект төбәк биләмәһендә туристик өлкәне үҫтереү өсөн шарттар булдырыу маҡсатында әҙерләнгән. Килешеүҙе тормошҡа ашырыу республикаға 1 миллиард һум күләмендә инвестициялар йәлеп итергә мөмкинлек бирәсәк.
