+24 °С
Болотло
Ишеттегеҙме әле?
23 Август 2022, 06:40
Ағыуланған биш үҫмерҙе дауахананан сығарғандар.
Өфөлә алкоголгә таблеткалар ҡушып эсеп ағыуланған биш үҫмерҙе дауахананан сығарҙылар. Был хаҡта Граждандарҙы яҡлау идаралығы етәксеһе Рафаэль Әхмәтов хәбәр итте.
Ағыуланған биш үҫмерҙе дауахананан сығарғандар.
Ваҡиға 11 августан 12-һенә ҡараған төндә була. 14–15 йәшлек үҫмерҙәр Гагарин урамы, 31 адресы буйынса урынлашҡан йорт фатирҙарының береһендә аулаҡ ойоштора. Иртән иҫһеҙ балаларҙы ата-әсәләре таба.
– Бөтә баланы ла дауаханаға алып китәләр: өсәүһенең хәле ауыр һәм икәүһенеке уртаса ауырлыҡта була. Уларға спирт һәм билдәһеҙ матдә менән ағыуланыу диагнозы ҡуйыла. Бөгөнгө көнгә бөтә бала ла һауығып сыҡҡан, – тип Рафаэль Әхмәтов.
Хәтерегеҙгә төшөрәбеҙ: бынан алда Башҡортостандың Тәфтиш комитеты һәм прокуратураһы әлеге ваҡиға буйынса тикшереү башлағайны.
Фото: Башинформ.
