Уның төп маҡсаты - балалар баҫмаларына ярҙам итеү һәм ошо өлкәләге иң яҡшы йәш журналистарҙы асыҡлау.
Әлеге фестивалгә ярашлы, «2022 йылда балалар баҫмаларына дәүләт ярҙамы» тигән түңәрәк өҫтәле уҙҙы. Бында бөтә Рәсәйҙән иң яҡшы балалар баҫмаларынан вәкилдәр йыйылды. "Аҡбуҙат" журналы "Тылсымлы һүҙ" Бөтә Рәсәй конкурсының бер юлы ике махсус номинацияһында еңеү яуланы. Светлана Дзюбинская "Иң яҡшы художество ҡарары" һәм "Эшкә тоғролоҡ һәм йылдың иң яҡшы социаль акцияһы" өсөн "Аҡбуҙат" журналының баш мөхәррире Лариса Абдуллинаға дипломдар тапшырҙы.
