Яңы батальонға һәр яҡлап ярҙам буласаҡ!

“Отставкалағы полковник, Төньяҡ Кавказдағы хәрби хәрәкәттәрҙә ҡатнашҡан Артур Йомағужин махсус хәрби операцияла ҡатнашыу өсөн Салауат Юлаев исемендәге доброволецтар батальоны төҙөү башланғысы менән сығыш яһағас та килешеп ҡуйҙыҡ – әгәр идея республикабыҙ егеттәренә оҡшаһа, беҙ мотлаҡ ярҙам итәсәкбеҙ. Бөгөн Артур Ғәлимйән улы миңә әйтеүенсә, батальонға инеү теләген 700 кеше белдергән, улар – хәрби тәжрибә туплаған, "ҡыҙыу нөктәләр"ҙе үткән ир-егеттәр.  Әлбиттә, һүҙебеҙҙе тотабыҙ һәм Башҡортостандың өсөнсө батальонына һәр яҡлап ярҙам итергә әҙербеҙ.  Техника, кейем-һалым, барлыҡ кәрәкле нәмәләр менән тәьмин итәсәкбеҙ, һәм был формалашыу этабында ғына түгел, ә киләсәктә лә буласаҡ. Уларға М. Шайморатов, А. Доставалов исемендәге батальондарҙа ҡатнашыусыларға түләнгән аҡса биреләсәк, ә ғаилә ағзаларына махсус хәрби операцияла ҡатнашҡан хәрби хеҙмәткәрҙәрҙең ғаиләләренә лә ярҙам саралары буласаҡ.
   Беҙ был егеттәр өсөн уларҙың туғандары, шулай уҡ бар республика алдында яуап бирәбеҙ – башҡа хәрби бурысын үтәгән егеттәргә кеүек үк”, – тип яҙҙы Радий Хәбиров.

Фото: Р. Хәбировтың социаль селтәрҙәрҙәге сәхифәһенән.