Стәрлетамаҡ уҡыусыһы миллион һум отҡан.

Бүләкләү тантанаһы октябрь аҙағында "Артек" халыҡ-ара балалар үҙәгендә уҙҙы.
"Ҙур тәнәфес" еңеүселәре араһынан Рәсәйҙән 300-гән 11-се класс уҡыусылары бер миллион һум аҡса алған -улар был сертификат ярҙамында юғары уҡыу йорттарына ингәндә ҡаҙаныштар портфолиоһына өҫтәмә балдар аласаҡ. 9-10-сы класс уҡыусыларына иһә, белем алыуға һәм үҙ-үҙен үҫтереүгә 200-шәр мең һум аҡса тапшырылған.
Карина Башмакова был аҡсаны белем алырға һәм репетиторҙар, онлайн-мәктәптәрҙә дәрестәр өсөн тотонорға планлаштыра.
"Ҙур тәнәфес" Бөтә Рәсәй конкурсы "Мәғариф" милли проекты сиктәрендә тормошҡа ашырыла. Уны ойоштороусылар булып Йәштәр эштәре буйынса федераль агентлыҡ, "Рәсәй - мөмкинлектәр иле" автономлы коммерцияға ҡарамаған ойошмаһы, "Ҙур тәнәфес" автономлы коммерцияға ҡарамаған ойошмаһы һәм Рәсәй уҡыусылары хәрәкәте сығыш яһай. "Ҙур тәнәфес" - Рәсәй балалар һәм йәштәр хәрәкәтен ойоштороусыларҙың береһе.

Фото асыҡ сығанаҡтарҙан алынды.