Стәрлетамаҡ «Юл-йәшелләндереү эштәре ремонт-төҙөлөш идаралығы»нан 80-дән ашыу берәмек техника ҡар таҙартырға сыҡты.
Шулай уҡ мэрияла хәбәр итеүҙәренсә, бөтә юлдарҙы ла бер үк ваҡытта таҙартмайҙар. Тәүгеләрҙән булып I категориялы юлдарҙы таҙартасаҡтар, йәғни йәмәғәт транспорты йөрөгән юлдарҙы. Һуңынан II һәм III категориялы юлдарҙы таҙартыу ҡаралған: бында маршрут таксилары һәм шәхси секторҙарҙағы юлдар инә.
Тротуарҙарҙы таҙартыуға тәүге ике категория юлдарындағы эштәрҙе тамамлағандан һуң ғына тотоналар. Йорт янындағы биләмәләрҙе йыйыштырыу менән торлаҡ милекселәре ширҡәте шөғөлләнергә тейеш.
Сергей Крамсков фотоһы.