Башҡортостанда ҡайһы бер аҙыҡ-түлектәргә хаҡ төшкән.

 Унда туңдырылған балыҡ, ярым ыҫланған һәм бешкән-ыҫланған колбаса, тауыҡ, ҡарабойҙай ярмаһы, ҡаймаҡ, бөтә икмәк сорттарына, маргарин, балалар туҡланыуы өсөн тәғәйенләнгән консервалы емеш-еләк, май, һыйыр ите, дөгө ярмаһы, сусҡа ите, һөт, тары ярмаһы, шәкәр, сыр һәм йомортҡаға хаҡтар арзанайған тип яҙылған.

Шул уҡ ваҡытта төбәктә бер нисә йәшелсә-емешкә хаҡтарҙың миҙгелле хаҡ күтәрелеүе күҙәтелгән. Башҡортостандың сауҙа һәм хеҙмәт министры Алексей Гусев хәбәр итеүенсә, төбәктә социаль әһәмиәткә эйә булған ҡайһы бер продукцияға хаҡтар түбәнәйгән.

«Беҙ аҙыҡ-түлек һәм аҙыҡ-түлек булмаған 52 тауарға хаҡтарҙы күҙәтәбеҙ. Әгәр республика халҡынан исемлектән тыш тауар хаҡы артыуы тураһында ялыуҙар бар икән, тимәк, беҙ уларҙы ла шунда индереп ҡарайбыҙ. Хаҡтарҙың нигеҙһеҙ күтәрелеүе асыҡланған осраҡта тейешле яуап сараларын күреү өсөн контроль һәм күҙәтеү органдарына мәғлүмәт ебәрәбеҙ», — тигән Алексей Гусев.

Фото һәм мәғлүмәт : Яңылыҡтар Башҡортостан төркөмөнән.