«Өфө йүкәләре» скверы яҙыусыларға арнала

Подрядсыны билдәләү өсөн документтар әҙер, тип билдәләне ул. «Башинформ» алдан яҙғанса, Коммунистик урамында «Поликарпов йорто»мәҙәниәт ҡомартҡыһы капиталь ремонтланды. Был бинала БР Яҙыусылар Союзы урынлашҡан. Радий Хәбиров бина эргәһендә сквер төҙөргә ҡушты. Яңы йәмәғәт киңлеге композитор Рим Хәсәновтың башҡорт баш ҡалаһының йәшерен гимнына әүерелгән шул уҡ исемле йыры хөрмәтенә «Өфө йүкәләре» тип атала. Йырға шиғырҙарҙы совет йылдарында Яҙыусылар Союзы идараһы рәйесе булып эшләгән халыҡ шағиры Назар Нәжми яҙа. Проект буйынса, ял итеү урыны кирбес ҡойма менән уратып алынасаҡ, инеү төркөмө төҙөкләндереләсәк. Скверҙа тышҡы яҡтыртыу, арка, эскәмйәләр, фотоға төшөрөү өсөн сәхнә һәм локация барлыҡҡа киләсәк. Йәшелләндереү өсөн сортлы йүкәләр, ҡыуаҡтар һәм сәскәләр ултыртыласаҡ.

Римма ҒӘЛИМОВА. 

Фото : интернеттан алынды.