-4 °С
Ҡар
Бөтә яңылыҡтар
Ишеттегеҙме әле?
17 Октябрь 2025, 11:10
ХАҠТАР АРЗАНАЙҒАН
Сентябрҙә Башҡортостанда бер нисә талап ителгән аҙыҡ-түлеккә хаҡтарҙың ныҡ кәмеүе теркәлгән. Был бигерәк тә йәшелсә категорияһында асыҡ күренә. Иң мөһиме-кишергә хаҡтарҙың төшөүе. Бер айҙа уның хаҡы дүрттән бер өлөшкә тиерлек кәмегән, һәм хәҙер килограмы уртаса 30,55 һумға төшә. Башлы һуған да шул тиклем үк арзанайған. Уның хаҡы 20 проценттан ашыуға кәмегән, сентябрҙә килограмы 33,45 һумға еткән. Картуф һәм аҡ күсәнле кәбеҫтә лә ҡулланыусылар өсөн һиҙелерлек арзанайған. Картуфтың хаҡы биштән бер өлөшкә, йәғни 31,41 һумға тиклем төшә, ә кәбеҫтә 20 процентҡа тиерлек, килограмы 30,28 һумға тиклем арзанайған.
ХАҠТАР АРЗАНАЙҒАН
Йәшелсәләрҙән тыш, ҡулланыусылар кәрзинендә башҡа позициялар ҙа арзанайған. Улар араһында-алма (12,26% кәмегән, 123,85 һумға тиклем), ҡыяр (хаҡы 5,23% төшкән, 93,50 һумға тиклем), йөҙөм (4,77% кәмегән, 185,07 һумға тиклем) һәм лимон (4,09% кәмегән, 201,15 һумға тиклем).
Алдан хәбәр итеүебеҙсә, 2025 йылда Башҡортостан аграр предприятиеларға льготалы ҡыҫҡа сроклы кредиттар өсөн 965,2 миллион һум күләмендә финанслау алған. Был күләм 2024 йылда төбәккә бүленгән сумманан ике тапҡырға тиерлек күберәк, ул саҡта 516 миллион һум аҡса бирелгән. Ағымдағы йылда республика фермерҙары кәметелгән ставка буйынса 397 ҡыҫҡа ваҡытлы займ рәсмиләштергән, уларҙың дөйөм суммаһы 16,36 миллиард һум тәшкил иткән.
.Римма ҒӘЛИМОВА
ХАҠТАР АРЗАНАЙҒАН
Новости партнеров