Киндер үҫтереп,наркотик әҙерләгән.

Башҡортостан Республикаһы прокуратураһы Стәрлетамаҡ ҡалаһында йәшәгән иргә ҡарата енәйәт эше буйынса ғәйепләү һығымтаһын раҫланы.
Ул Рәсәй Федерацияһы Енәйәт кодексының 231-се статьяһының 1-се өлөшө (наркотик матдәләре булған үҫемлектәрҙе законһыҙ рәүештә культивациялау), Рәсәй Федерацияһы 228-се Енәйәт кодексының 1-се статьяһының 4-се өлөшө «а», «г» бүлектәре (наркотик матдәләрҙе законһыҙ һатырға маташыу), Рәсәй Федерацияһы Енәйәт кодексының 228-се статьяһының 1-се өлөшө (наркотик сараны һатыу маҡсатында рөхсәтһеҙ һатып алыу һәм һаҡлау) һәм 327-се статьяһының 3-сө өлөшө (ялған таныҡлыҡ һатып алыу, һаҡлау, ташыу) буйынса ғәйепләнә.
Тәфтишселәр версияһы буйынса, 2025 йылдың апрелендә ир интернет селтәрендә киндер орлоҡтары, шулай уҡ уларҙы үҫтереү өсөн ҡорамалдар һатып алған да, Стәрлетамаҡтағы шәхси йортоноң баҡсаһына сәскән.
Уҙған йылдың апреленән июлгә тиклем ул 190-дан ашыу ҡыуаҡ үҫемлек үҫтергән, уларҙан наркотик артабан һатыу өсөн әҙерләнгән.
Хоҡуҡ һаҡлау органдары хеҙмәткәрҙәре енәйәт эшмәкәрлеген туҡтатҡан, 33 килограмдан ашыу ауырлыҡтағы тыйылған матдәләр йәшерен әйләнештән алынған.
Бынан тыш, 2024 йылда ул мессенджер аша 15 мең һумға ялған водитель таныҡлығы һатып алған. Уның йортонда тентеү үткәреү барышында асыҡланған.
Енәйәт эше ҡарау өсөн Стәрлетамаҡ ҡала судына ебәрелгән.