Стәрлетамаҡта дүрт урам ваҡытлыса һыуһыҙ ҡаласаҡ

Стәрлетамаҡ һыу каналы мәғлүмәттәре буйынса, ошо көндө иртәнге сәғәт 9-ҙан киске 5-кә тиклем һалҡын һыу менән тәьмин итеү селтәрҙәрендә ремонт эштәре алып барыласаҡ (Володарский һәм Некрасов урамдары киҫелешендә һыу үткәргесте тоташтырасаҡтар).

Ошо сәбәпле, күрһәтелгән ваҡытта Володарский, Некрасов, К. Цеткин урамдарында һәм 1-се Некрасов тыҡрығында (шәхси сектор) һыу биреү туҡтатыласаҡ.

Коммуналь хеҙмәтте ҡулланыусыларҙан һыуҙы алдан әҙерләп ҡуйыуҙарын һорайҙар. Һыуҙы ҡабаттан ебәргәндән һуң, уның бер аҙ болғансыҡ булыуы ихтимал.