Бөгөн төндә - Бәраәт кисе

Мосолмандар инаныуынса, был төндә Аллаһы Тәғәлә кешеләрҙең йыллыҡ яҙмышын, бәхет-сәғәҙәттәрен билдәләй. Шулай уҡ ике Бәраәт кисе араһында үләһе кешеләрҙең исемдәре теркәлә. Бәраәт гонаһтарҙан ҡотолоу, бәхет һәм именлек, уңыштар һәм изгелектәр индерелә торган кис тип һанала. Шуға күрә был төндә мосолмандар Аллаһы Тәғәләнән үҙҙәренең һәм мәрхүмдәрҙең гонаһтарын ярлыҡауын һорап доға ҡыла.
Шулай уҡ был кистә Ҡөръән Ләүһе-Мәхфүздән күктәргә индерелгән тип һанала.
Ислам дине белдереүенсә, Ҡәҙер кисәһенән һуң иң изге кисә – Бәраәт кисәһелер. Сөнки Ҡөръән беренсе мәртәбә Бәраәт кисәһендә донъя күгенә индерелгән һәм Ҡәҙер кисендә Пәйгамбәребеҙ(с.ғ.в.)гә вәхи ҡылына башлаған.
Бәраәт кисендә киләсәк бер йыл эсендә бар мәхлуҡаттың, бөтөн барлыҡтың ризыҡтары, байлыҡ үә ярлылыҡ xәлдәре, донъяға мөнәсәбәтле дәрәжәләре, яңы тыуасаҡ үә ул йыл эсендә вафат буласак кешеләр – барыһы ла был кистә билдәләнер тип һанала.